ილიაუნის ბიბლიოთეკა – სასწავლო კვლევითი სივრცე – ემსახურება ყველას, განურჩევლად ასაკისა, იურიდიული, სოციალური, კულტურული, რელიგიური, ეთნიკური და მოქალაქეობრივი სტატუსისა. ბიბლიოთეკის მრავალფეროვანი ფონდი მოიცავს სხვადასხვა ენაზე შესრულებულ 2 მილიონამდე მონოგრაფიას, სახელმძღვანელოს, პერიოდულ გამოცემას, ელექტრონულ რესურსს და ა.შ. ბიბლიოთეკა ზრუნავს და პასუხს აგებს არსებული კოლექციების დაცვასა და განვითარებაზე; მომხმარებლისთვის მრავალფეროვანი სერვისების შეთავაზების გზით, მაქსიმალურად ხელმისაწვდომს და ადვილად გამოყენებადს ხდის საინფორმაციო რესურსებს.
ილიაუნის ბიბლიოთეკა მდიდარია ელექტრონული რესურსების კოლექციით. ჩვენ მომხმარებელს ვთავაზობთ მსოფლიოში ცნობილ აკადემიურ ბაზებს, ასევე – ინდექსებისა და აბსტრაქტების ბაზებს, ელექტრონულ ბიბლიოთეკებსა და სხვა აკადემიურ ინსტრუმენტებს, რომელთა საშუალებითაც უზრუნველვყოფთ მაღალი დონის კვლევის ჩატარებას და ხარისხიანი სწავლების განხორციელებას.
- დეტალური ინფორმაცია ელექტრონული რესურსების შესახებ იხილეთ აქ.
- ილიაუნის ბიბლიოთეკა მომხმარებელს ემსახურება 8 სამკითხველო და 2 კომპიუტერული დარბაზით.
- დეტალური ინფორმაცია ბიბლიოთეკის შესახებ იხილეთ აქ
ბიბლიოთეკის დირექტორი: თეონა ყაველაშვილი
